13.12.2023
შეხვედრა ანზორ ერქომაიშვილის სახელობის ფოლკლორის სახელმწიფო ცენტრში
ცენტრის დირექტორმა გიორგი დონაძემ პროექტის მნიშვნელობაზე ისაუბრა და
თსუ ივანე ჯავახიშვილის სახელობის ისტორიისა და ეთნოლოგიის ინსტიტუტის დირექტორს - გიორგი ჭეიშვილს და ამავე ინსტიტუტის ისტორიული და ეთნოლოგიური არქივის ხელმძღვანელს - ნიკოლოზ გურგენიძეს თანამშრომლობისთვის მადლობა გადაუხადა.
ანზორ ერქომაიშვილის სახელობის ფოლკლორის სახელმწიფო ცენტრსა და ივ. ჯავახიშვილის სახელობის ისტორიისა და ეთნოლოგიის ინსტიტუტს შორის გაფორმებული თანამშრომლობის მემორანდუმის ფარგლებში, ეტაპობრივად განხორციელდა ინსტიტუტის ისტორიულ და ეთნოლოგიურ საარქივო ფონდში დაცული მასალის კატალოგიზაციის პროექტი, კერძოდ, გაციფრდა და აღირიცხა კომპოზიტორ ნიკო სულხანიშვილის, დიმიტრი არაყიშვილის, შალვა ასლანიშვილის, თამარ მამალძის, გრიგოლ ჩხიკვაძის, მანანა შილაკაძის, ნინო მაისურაძის და სხვა ცნობილი ეთნომუსიკოლოგების ხელნაწერები და საექსპედიციო ჩანაწერები. გაციფრებული მასალების ასლები ფოლკლორის ცენტრის არქივსაც გადაეცემა.
2024 წელს დაგეგმილია ინსტიტუტის არქივში დაცული და ფოლკლორის ცენტრის მიერ გაციფრებული პირველი ეთნომუსიკოლოგი ქალის - თამარ მამალაძის დღემდე უცნობი საექსპედიციო აუდიოჩანაწერების, საველე დღიურებისა და სამეცნიერო ნაშრომების გამოცემა.
აღნიშნული პროექტის მხარდამჭერია საქართველოს კულტურის, სპორტისა და ახალგაზრდობის სამინისტრო.
