28.07.2023
ანთროპოლოგიური კვირეული
Erasmus+ მობილობის გრანტის ფარგლებში, ვენეციის კა`ფოსკარის უნივერსიტეტის პროფესორმა ფრანჩესკა ბერტოლდიმ წაიკითხა ლექცია: „ადამიანის ძვლები არქეოლოგიაში,“ ასევე, მან ჩაატარა პრაქტიკული მეცადინეობები ბორჯომში; ხოლო ფლორენციის პრეისტორიის მუზეუმის მკვლევარმა პიერ ფრანჩესკო ფაბბრიმ წაიკითხა ლექცია - „ადამიანის ნაშთების ტაფონომია.“
პროცესში დისტანციურად ჩაერთო პროფესორი რობერტო კამერიერი, რომელმაც მსმენელებს გააცნო ასაკის დასადგენად კბილის რადიოლოგიური კვლევის მიხედვით, მის მიერ შემუშავებული ზუსტი მეთოდი.
მკვლევარმა მირრეა პერუციმ, ერთობლივი პილოტური კვლევის - „არქეოლოგიასთან შეხება: არქეოლოგიური ნიმუშების 3D მოდელები მემკვიდრეობის შესწავლისა და პოპულარიზაციისთვის (T'AMO3D)“ - ფარგლებში, ინსტიტუტის ანთროპოლოგიური კვლევის ლაბორატორიაში ჩაატარა პრაქტიკული სემინარი: "ადამიანის ძვლების 3D სკანირება ბორჯომში, ბერთა საყდრისიდან შერჩეულ 3 თავის ქალაზე".
ლექციები და სემინარი გამიზნული იყო დოქტორანტებისათვის, რომლებიც პალეოანთროპოლოგიურ კვლევებში არიან ჩართულნი; საინტერესო იყო არქეოლოგებისათვის და ინსტიტუტის თანამშრომლებისათვის.
